DÜNYA


Peru meşələrində səhləb çiçəyinin yeni növü aşkarlanıb

Bakı, 15 avqust, AZƏRTAC

Dünyada ən çox sevilən güllər arasında birinci, ən çox satılanlar sırasında qızılgüldən sonra ikinci yeri səhləb çiçəyi tutur. Bu güllər düzgün qulluq edildikdə insana illərlə “yol yoldaşı” ola bilir. Səhləbin təxminən 35 min növünün olduğu ehtimal edilir. Peru meşələrində bu çiçəyin yeni növü aşkarlanıb.

AZƏRTAC xarici KİV-lərə istinadla xəbər verir ki, əsasən Amazon meşələrində rast gəlinən səhləb çiçəyinin bu növü Tingo Mariya Milli Parkında geniş yayılıb. Parkın direktoru Lorenzo Flores bildirib ki, “andinia” cinsinə aid olan bu səhləblər 20 dərəcə isti havada çiçək açır. Bu cür kəşflər səhləb çiçəyinin vətəni sayılan Perunun təbii sərvətlərini ortaya çıxarır. Parkda bu güllərin çoxluq təşkil etməsi bu ərazinin qorunması zərurətini yaradır.

Qeyd edək ki, hazırda ən çox tanınan səhləb növü “phalaenopsis”dir. Bu çiçəklər il ərzində iki dəfə çiçək açır. Günəş şüaları və isti hava səhləb çiçəyinin inkişafını zəiflədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.