Samuxda kənd təsərrüfatı məhsullarının istehsalı 27,1 faiz artıb
Samux, 20 oktyabr, Elcan Məmmədov, AZƏRTAC
Bu ilin yanvar-sentyabr aylarının makroiqtisadi göstəriciləri Samux rayonunun iqtisadiyyatının dinamik inkişaf etdiyini göstərir.
Rayon Statistika İdarəsindən AZƏRTAC-ın bölgə müxbirinə verilən məlumata görə, kənd təsərrüfatı məhsullarının istehsal həcmi 95896,5 min manat olub ki, bu da əvvəlki ilin müvafiq dövrünə nisbətən 27,1 faiz çoxdur.
Hesabat dövründə 10859,9 hektar taxıl sahəsində biçin aparılıb. Həmin sahələrdən 43462,0 ton məhsul yığılıb. Məhsuldarlıq hər hektardan orta hesabla 40,0 sentner olub.
Təsərrüfatlarda 13674,7 ton tərəvəz, 1063,5 ton qarğıdalı, 5176,3 ton günəbaxan, 3177,1 ton bostan, 64,8 ton paxlalı bitkilər, 1927,6 ton kartof, 64082 ton ot, 22045,4 ton küləş istehsal olunub.
Cari ildə bundan başqa, 7603,6 ton meyvə və giləmeyvə, 6748,4 ton üzüm istehsal edilib.
Hazırda sahələrdə məhsul toplanışı davam edir.
Bölmənin digər xəbərləri
