İDMAN


Türkiyə Superliqası: “Beşiktaş” komandası “Göztəpə”ni böyük hesabla məğlubiyyətə uğradıb

Bakı, 24 avqust, AZƏRTAC

Avqustun 23-də futbol üzrə Türkiyə Superliqasının 2019-2020-ci illər mövsümündə ikinci turun oyunlarına start verilib.

AZƏRTAC xəbər verir ki, ötən tur gözlənilmədən səfərdə "Sivasspor"a məğlub olan İstanbulun “Beşiktaş” komandası öz meydanında “Göztəpə”ni qəbul edib.

Baş hakim Ali Palabıyıkın idarə etdiyi qarşılaşmada İstanbul təmsilçisi rəqibin qapısından üç cavabsız top keçirib.

“Ağ-qaralar”ın üstünlüyü və hücumları şəraitində keçən matçda

meydan sahiblərinin heyətində Güven Yalçın, (45) Caner Erkin (54) və Adem Lyayic (59) fərqləniblər.

Beləliklə, Abdulla Avcının yetirmələri mövsümün ikinci oyununda qalib gələrək aktivlərinə ilk üç xalı yazdırıblar.

İkinci turun mərkəzi görüşündə “Başakşəhər” və “Fənərbağça” üz-üzə gələcək.

Avqustun 25-də isə “Qalatasaray” “Konyaspor”u, “Trabzonspor” isə “Yeni Malatyaspor”u sınağa çəkəcək.

Qeyd edək ki, tura avqustun 26-da yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.