İDMAN


Türkiyə Superliqası: “Beşiktaş” öz meydanında “Rizəspor”a qalib gəlib

Bakı, 29 oktyabr, AZƏRTAC

Oktyabrın 29-da futbol üzrə Türkiyə Superliqasının X turunda “Beşiktaş” komandası “Vodafon Park” stadionunda “Rizəspor”u qəbul edib.

AZƏRTAC xəbər verir ki, görüş İstanbul komandasının 4:1 hesablı qələbəsi ilə başa çatıb.

“Beşiktaş”ın heyətində Mustafa Pektemek (3, 40) dubl edib. Meydan sahiblərinin daha bir qolunu 79-cu dəqiqədə Vaqner Lav vurub. İstanbul təmsilçisinin oyunçusu Enzo Roko 49-cu dəqiqədə, qonaqlarda isə Matiç Fink (72) topu öz qapısından keçirib. Altmışıncı dəqiqədə “Beşiktaş”ın portuqaliyalı futbolçusu Rikardo Kvarejmanın penalti zərbəsini rəqib qapıçı dəf edib.

Gərgin keçən qarşılaşmada matçın baş hakimi “Rizəspor”un futbolçularına iki qırmızı kart göstərib.

Bu qalibiyyətdən sonra hesabındakı xallarının sayını 18-ə çatdıran Şenol Günəşin komandası turnir cədvəlinin dördüncü pilləsinə yüksəlib.

Turun digər oyununda “Göztəpə” səfərdə “Akhisar”a uduzub -0:1.

On turdan sonra turnir cədvəlinə 21 xalla “Başakşəhər” komandası başçılıq edir. 19 xal toplayan “Kasımpaşa” və “Qalatasaray” çempionatda ikinci, üçüncü sıranı bölüşürlər.

Xatırladaq ki, çempionluq uğrunda yarışan komandalardan “Qalatasaray” səfərdə “Yeni Malatyaspor”a məğlub olub - 0:2. “Konyaspor” – “Başakşehir” matçında isə qonaqlar üstün olublar - 0:1. “Fənərbağça” isə öz meydanında “Ankaragücü”nə 1:3 hesabı ilə uduzub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.