İDMAN


Türkiyə Superliqası: “Fənərbağça” komandası ikinci dövrəyə heç-heçə ilə başlayıb

Bakı, 21 yanvar, AZƏRTAC

Yanvarın 21-də futbol üzrə Türkiyə Superliqasında XVIII tura yekun vurulub.

AZƏRTAC xəbər verir ki, turun son matçında turnir cədvəlində 17-ci sırada qərarlaşan İstanbulun “Fənərbağça” komandası səfərdə “Bursaspor”la qarşılaşıb. Qarşılıqlı hücumlar şəraitində keçən oyun 1:1 hesabı ilə başa çatıb.

İstanbul təmsilçisinin qolunu Roberto Soldado (20) vurub. Meydan sahiblərinin heyətində isə Aytac Kara (90) fərqlənib.

Bu heç-heçə ilə hesabındakı xallarının sayını 17-yə çatdıran Ərsun Yanalın yetirmələri 15-ci pilləyə yüksəliblər.

Bu gün oynanılan digər görüşdə “Kasımpaşa” öz meydanında “Rizespor”a 0:1 hesabı ilə məğlub olub.

Türkiyə çempionatında 38 xalla “Başakşəhər” komandası hazırda vahid liderdir. Hesablarında 32 xalı olan “Qalatasaray” və “Yeni Malatyaspor” turnir cədvəlində ikinci-üçüncü yerləri bölüşürlər.

Hesablarında 29 xal olan üç komanda – “Trabzonspor”, “Kasımpaşa” və “Beşiktaş” turnir cədvəlində dördüncü-altıncı yerləri bölüşürlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.