İDMAN


UEFA Çempionlar Liqasının ikinci finalçısı məlum olub

Bakı, 9 may, Nicat Məmmədov, AZƏRTAC

Mayın 8-də UEFA Çempionlar Liqasının ikinci yarımfinal mərhələsinin cavab qarşılaşması keçirilib.

AZƏRTAC xəbər verir ki, Hollandiyada baş tutan görüşdə “Ayaks” İngiltərənin “Tottenhem” klubunu qəbul edib. Səfərdə 1:0 hesabı ilə “Tottenhem” klubunu məğlub edən hollandiyalılar ilk dəqiqələrdən rəqibin qapısı önündə bir neçə təhlükəli vəziyyət yaradıb. Matçın 5-ci dəqiqəsində “Ayaks” hesabı açmağa nail olub. Küncdən zərbəni komandanın gənc kapitanı M.De Ligt dəqiq baş zərbəsi ilə tamamlayıb - 1:0. Qoldan sonra müdafiədən əks hücumlara çıxmağa çalışan “Ayaks” 35-ci dəqiqədə ingilisləri yenidən meydanın mərkəzinə dəvət edib. Hakim Zireş adını tabloya yazdırıb - 2:0. Birinci hissə Amsterdam təmsilçisinin üstünlüyü ilə başa çatıb.

Qarşılaşmanın ikinci hissəsində “Tottenhem” tamam fərqli oyun nümayiş etdirib. Görüşün 55-ci dəqiqəsində sürətli hücum quraraq hesab arasındakı fərqi bir topa endiriblər. Lukas Maura qapıçı ilə təkbətək mübarizədən qalib ayrılıb - 2:1. Dörd dəqiqə sonra Lukas Maura dublun rəsmiləşdirib - 2:2. Matçın 95-ci dəqiqəsində “Tottenhem” klubunun sonuncu hücumu qolla nəticələnib. Lukas Maura uzaq məsafədən dəqiq zərbə vurub - 2:3.

Beləliklə, “Tottenhem” finalda “Liverpul” klubu ilə qarşılaşacaq.

UEFA Çempionlar Liqasının final görüşü iyunun 1-də Madridin “Metropolitano” stadionunda təşkil olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.