“Öz məşəlini alovlandır!”
Aleksey Yunaş: Bakıda gənc və yaşlı nəslin istirahəti üçün kifayət qədər maraqlı yerlər çoxdur
Bakı, 31 may (AZƏRTAC). Bakıda gənc və yaşlı nəslin istirahəti üçün kifayət qədər maraqlı yerlər çoxdur. Bu şəhəri İçərişəhərsiz və Qız qalasız təsəvvür etmək mümkün deyildir.
Bu sözləri “Eurovision-2012” mahnı müsabiqəsindən sonra AZƏRTAC-a müsahibəsində Belarus jurnalisti Aleksey Yunaş demişdir. Bildirilmişdir ki, işinin çoxluğuna baxmayaraq vaxt tapıb Bakının tarixi yerlərini, istirahət parklarını ziyarət etmişdir. Dənizkənarı Milli Parkda uşaqdan tutmuş böyüyədək hamı vaxtını gözəl keçirir. Şəhərin sakinləri qonaqpərvərdirlər. Küçədə istənilən adama yaxınlaşıb onunla ünsiyyət qurmaq mümkündür.
Qısa bir zamanda şəhərin “Eurovision-2012” mahnı müsabiqəsinin yüksək səviyyədə hazırlanmasından heyrətini gizlətməyən Aleksey Yunaş “Baku Crystal Hall” kimi müasir tikilinin inşa olunmasının ciddi əmək tələb etdiyini də vurğulamışdır. Həmçinin jurnalistlərin işləmələri və dincəlmələri üçün təşkil olunmuş Mətbuat Mərkəzinin çox geniş və rahat olduğunu, müasir avadanlıqla təchiz edildiyini də nəzərə çatdırmışdır.
Bölmənin digər xəbərləri
