“STP Şirkətlər Qrupu”nun həyata keçirdiyi “Sabahın Gücü” inkişaf proqramı çərçivəsində oktyabrın 1-də “Hilton” oteldə növbəti məzun günü keçirilib.

Məlumat üçün qeyd edək ki, “Sabahın Gücü” inkişaf proqramı ölkədə ilk dəfə “STP Şirkətlər Qrupu” tərəfindən mühəndislik sahəsində təhsil alan gənclərin sənaye mühəndisliyi istiqamətində peşəkar inkişafını artırmaq məqsədilə yaradılan proqramdır. Proqramın məqsədi ölkəmizdə aparılan kadr potensialının yüksəldilməsi siyasətinə töhfə verməklə yanaşı, müasir çağırışlara uyğun olaraq sənaye sahəsində fəaliyyət göstərəcək uğurlu gənc mühəndislər nəslinin yetişdirilməsi və ölkə gənclərinin inkişafına dəstək verməkdir.

2023-cü ildən start götürən “Sabahın Gücü” proqramı gənclərin böyük marağına səbəb olub. Belə ki, 2023-cü ildə 100 nəfər müraciətçinin arasından 50 nəfər proqrama qoşulmuşdusa, сari tədris ilinin ilk yarısında bu say 3000 müraciətçi arasından 108 nəfər təşkil edib. Tədris müddətində təcrübəçilərin texniki biliklərinin və bacarıqlarının artırılması məqsədilə müxtəlif təlimlər təşkil edilib. “Sabahın Gücü” təcrübəçilərinin peşəkar hazırlığını təmin etmək üçün “STP Şirkətlər Qrupu”nda çalışan əməkdaşlardan ibarət mentorlar komandası formalaşdırılıb və proqrama cəlb edilib.

Tədbirdə çıxış edən “STP Şirkətlər Qrupu”nun İnsan resursları üzrə baş inzibatçısı, “Sabahın Gücü” inkişaf proqramının rəhbəri Şölə Əliyeva şirkət üçün gənclərin inkişafının prioritet məqsədlərdən olduğunu qeyd edib: “Son 4 ildə təqribən 400 nəfər gənc peşəkar sənaye mühəndisi kimi yetişdirilib və “Sabahın Gücü” inkişaf proqramı çərçivəsində gənc mühəndisləri sənaye prosesinə cəlb etməklə, ölkə gəncləri arasında bu sektora marağın daha da böyüməsinə nail olmaq istəyirik. Eyni zamanda, xanımların sənaye mühəndisliyi sahəsinə cəlb edilməsi məqsədilə “STP Şirkətlər Qrupu” və Təhsilin İnkişaf Fondu tərəfindən həyata keçirilən “Zərif Mühəndislər” layihəsində seçilən xanım qaliblərimizi də təqdim edərək onlara uğurlar arzu etmək istəyirəm”.

Qeyd edək ki, gənclərin davamlı peşəkar inkişafını təmin etmək üçün “Sabahın Gücü” inkişaf proqramına yenidən start verilib. Proqrama qoşulmaq üçün CV-nizi mövzu hissəsində ixtisasınızı qeyd etməklə, [email protected] elektron ünvanına göndərə bilərsiniz və ya bu linkə keçid etməklə də müvafiq vakansiyanı seçərək müraciət etmək mümkündür.

“STP Şirkətlər Qrupu”nun tərkibində fəaliyyət göstərən şirkətlərin bütün məhsul və xidmətləri haqqında ətraflı məlumatı *0990 nömrəli Məlumat Mərkəzi ilə əlaqə saxlayaraq, rəsmi internet səhifəsinə daxil olaraq və ya sosial şəbəkələrdəki səhifələrimizi izləməklə əldə edə bilərsiniz.