® Xaricdə əmlak və biznes üçün faydalı 5 vergi planlama üsulu
Pulun və şəxslərin hərəkəti qloballaşdıqca xaricdə əmlakın alınması, bizneslərin qurulması da sürətlənməkdədir. Bu proseslər Azərbaycan üçün də aktualdır. Belə ki, son illərdə Azərbaycan vətəndaşları müxtəlif Avropa ölkələrində, Türkiyədə, ərəbdilli dövlətlərdə, hətta uzaq ABŞ, Kanada və Çində əmlak alır, satır və ya əmlak icarəyə verərək gəlir əldə edir, şirkətlər qurur, şirkətlərdən dividend və əməkhaqqı alırlar.
Bir çox halda yanlış olaraq elə fikir yaranır ki, bu əməliyyatlar xaricdə baş verdiyinə görə Azərbaycanda vergi öhdəliyinə səbəb ola bilməz. Digər yanlış ehtimal budur ki, hansısa vergi yaransa belə, burada vergi orqanlarının bundan xəbərdar olması və hansısa hüquqi addım atması qeyri-mümkündür. Bu yanlış fikir və ehtimallar isə nəticədə yığılmış və ödənilməli vergilərdən başqa əlavə sanksiyaya, hətta cinayət məsuliyyətinə belə səbəb ola bilər.
Vergi planlamasının üstünlükləri
Doğru vergi planlamasının aşağıdakı üstünlükləri var:
• yanlış qərarlardan yaranmış əlavə vergi kimi problemlərdən uzaq olmaq;
• vergi məbləğini optimal həddə saxlamaq, real vəsaitə qənaət etmək;
• xərcləri düzgün proqnozlaşdırmaq və doğru iqtisadi qərarlar vermək;
• ödənilməmiş vergiyə görə iriməbləğli cərimə və faizlərə məruz qalmamaq;
• hər hansı riskli məqam üçün şəxsi məsuliyyəti azaltmaq, şəxsi əmlakları iddialardan və risklərdən qorumaq.
Vergi planlaması üçün 5 üsul:
Təcrübədə bir çox hüquq və vergi planlama üsulları ilə yuxarıdakı məqsədlərə nail olunur. Biz aşağıda ən geniş yayılmış üsullardan beşini izah edirik:
1. Azərbaycan Respublikası ilə ikiqat vergitutmanın aradan qaldırılması sazişi olan dövlətləri müəyyən edərək bu sazişlərdəki güzəşt və azadolmalardan faydalanmaq;
2. Dividend və kapital gəlirləri üzrə vergiləri optimallaşdırmaq üçün şirkətin baş ofisini bu fəaliyyətə ən uyğun olan dövlətlərdə qurmaq;
3. Əlavə vergi tətbiq edilən ofşor zonalardan uzaq durmaq (bu dövlətlərin siyahısı mütəmadi dəyişdiyindən qüvvədə olan siyahını müntəzəm nəzərdə saxlamaq lazımdır);
4. Fiziki şəxslər üçün aşağı vergi müəyyən edən dövlətlərdə olma müddətini tənzimləyərək ən uyğun xarici dövlətin vergi rezidenti olmaq (səyahətlər, ölkədə olma müddətləri xaricdə vergi rezidentliyini birbaşa müəyyən etdiyindən fərdi şəxs kimi vergilər, məsələn, əməkhaqqı, fərdi investisiya və sahibkarlıq gəlirləri fərdi vergi rezidentliyindən asılı olaraq dəyişəcək);
5. Biznes fəaliyyəti üçün zəruri olan əqli mülkiyyət, yəni, əmtəə və ticarət nişanları, patentlər, müəllif haqlarını xarici dövlətdə qeydiyyatdan keçirməklə əqli mülkiyyət üçün güzəşt nəzərdə tutan dövlətlərin vergi qanunlarından faydalanmaq.
CLC komandası beynəlxalq reytinqli və xarici təhsilli komandası ilə sizə beynəlxalq vergi planlaması xidmətləri təqdim edir. International Tax Review tərəfindən MDB üzrə ilin vergi şirkəti seçilmiş CLC Tax komandası ilə əlaqə saxlamaq üçün vasitələr: [email protected] +994 50 289 89 73 (mobil və votsap).
Bölmənin digər xəbərləri
