İQTİSADİYYAT
® “Ziraat Bank Azərbaycan” VIII Beynəlxalq Bankçılıq Forumunun rəsmi tərəfdaşı olub
Dekabrın 3-4-də Bakı şəhərində Azərbaycan Banklar Assosiasiyası, Azərbaycan Mərkəzi Bankı və İqtisadi İslahatların Təhlili və Kommunikasiya Mərkəzinin dəstəyi, həmçinin “Mastercard”ın qlobal tərəfdaşlığı ilə VIII Beynəlxalq Bankçılıq Forumu (IBF 2024) keçirilib.
“Etibarlı, Təhlükəsiz və Dayanıqlı Bankçılıq” mövzusunda keçirilən forumun rəsmi tərəfdaşlarından biri “Ziraat Bank Azərbaycan” olub.
İki gün davam edən tədbirdə yerli və beynəlxalq maliyyə qurumlarının rəhbərləri və mütəxəssisləri bir araya gələrək maliyyə və bank sektorundakı innovativ həlləri, rəqəmsallaşma proseslərini, ödəniş ekosistemindəki yenilikləri müzakirə ediblər.
Tədbir maliyyə texnologiyalarında gələcək tendensiyalara dair fikir mübadiləsi üçün geniş platforma yaradıb.
Forumda iştirak edən “Ziraat Bank Azərbaycan” tədbirə verdiyi dəstəyə görə Azərbaycan Banklar Assosiasiyası tərəfindən mükafata layiq görülüb.
“Ziraat Bank Azərbaycan” ASC 161 illik tarixə malik Türkiyə Respublikasının “Ziraat Maliyyə Qrupu”nun üzvüdür. Bank Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Korporativ və pərakəndə bankçılıq sahəsində müasir məhsul və xidmətləri Bakı, Gəncə və Sumqayıtda yerləşən 9 filialı, eləcə də rəqəmsal platformalar vasitəsilə təqdim edir.
Bankın məhsul və xidmətləri barədə daha ətraflı məlumatı bankın feysbuk, instaqram, tviter, linkedin, yutub sosial media hesablarından və ya *9229 qısa nömrəsinə zəng edərək əldə edə bilərsiniz.
Bölmənin digər xəbərləri
