"JATA 2015" sərgisində ölkəmizə məxsus milli stend quraşdırılacaq
Bakı, 11 sentyabr, AZƏRTAC
Xəbər verdiyimiz kimi sentyabrın 24-dən 27-dək Tokioda keçirilən "JATA 2015" beynəlxalq turizm sərgisində Azərbaycanı Mədəniyyət və Turizm Nazirliyinin nümayəndə heyəti təmsil edəcək.
Sərgiyə, həmçinin 5 yerli turizm şirkəti- "Al travel", "Turizm.az", "Spektr travel", "Geo travel" və "SW travel"in nümayəndələri də qatılacaq.
Mədəniyyət və Turizm Nazirliyindən AZƏRTAC-a bildirilib ki, adıçəkilən sərgidə respublikamızın turizm imkanlarını əks etdirən 45 kvadratmetrlik sahədə milli stend quraşdırılacaq. Sərgiyə gələn ziyarətçi və iştirakçılara ingilis və yapon dillərində müxtəlif növ reklam-çap məhsulları paylanılacaq.
Mədəniyyət və Turizm Nazirliyi və yerli turizm şirkətləri artıq yeddinci dəfədir ki, "JATA" sərgisində iştirak edir.
Bölmənin digər xəbərləri
