"Liverpul" Florian Virtsin transferi üçün “Bayer”lə razılığa gəlib
Bakı, 13 iyun, AZƏRTAC
İngiltərənin "Liverpul" komandası Florian Virtsin transferi üçün Almaniyanın “Bayer” klubu ilə razılığa gəlib.
AZƏRTAC xəbər verir ki, Mersisayd təmsilçisi bu transfer üçün ümumilikdə 116 milyon funt sterlinq xərcləyəcək.
Leverkusen klubu bu məbləğin 100 milyon funtunu nağd, qalanını isə bonuslar şəklində alacaq.
“Liverpul” 22 yaşlı oyunçu ilə 2030-cu ilə qədər müqavilə imzalanacaq.
Qeyd edək ki, Virts bu mövsüm “Bayer”in heyətində bütün turnirlərdə 45 oyunda 16 qol və 15 ötürmə ilə yadda qalıb.
Bölmənin digər xəbərləri
