"Sabah"ın legioneri: Finalda qalib gəlmək üçün əlimizdən gələni edəcəyik
Bakı, 29 may, AZƏRTAC
Komandamız ilk dəfədir kubokun finalındadır. Qalib gəlmək üçün əlimizdən gələni edəcəyik.
AZƏRTAC xəbər verir ki, bu sözləri "Sabah"ın futbolçusu Pavol Şafranko Azərbaycan Kubokunda "Qarabağ"la keçirəcəkləri final matçından öncə təşkil olunmuş mətbuat konfransında deyib.
O, azarkeşləri sevindirmək istədiklərini bildirib: "Titul qazanmaq çox önəmlidir. Buna nail olmaq istəyirik. Oynayacağımız stadion problemsizdir. Ümid edirəm ki, hər şey bizim xeyrimizə olar".
Qeyd edək ki, mayın 31-də Mehdi Hüseynzadə adına Sumqayıt şəhər stadionunda keçiriləcək Azərbaycan Kubokunun final oyunu saat 19:00-da start götürəcək.
Bölmənin digər xəbərləri
