Abdulla Zubir: Növbəti il Çempionlar Liqasının qrup mərhələsində oynamaq istəyirik
Bakı, 15 mart, AZƏRTAC
İlk hissədə rəqib müdafiədə bizə təzyiq göstərdi. İkinci hissədə fərqli oyun nümayiş etdirdik.
AZƏRTAC xəbər verir ki, bu sözləri "Qarabağ"ın futbolçusu Abdulla Zubir UEFA Avropa Liqasının 1/8 final mərhələsinin cavab matçında səfərdə Almaniya "Bayer"inə 2:3 hesabı ilə məğlub olaraq mübarizəni dayandırdıqları oyundan sonra deyib.
O, bu matçda etdikləri səhvlərdən nəticə çıxaracaqlarını bildirib: "Bayer" çox güclü komandadır. Təəssüf ki, alınmadı. Hazırda "Qarabağ"la müqaviləm var. Hədəfimiz ölkə çempionu olmaq və növbəti il Çempionlar Liqasının qrup mərhələsində oynamaqdır".
Qeyd edək ki, "Qarabağ" ümumi hesabda "Bayer"ə 5:4 hesabı ilə məğlub olaraq mübarizəni dayandırıb.
Bölmənin digər xəbərləri
