ABŞ bu il Əfqanıstana əlavə olaraq 300 milyon dollar yardım ayıracaq
Bakı, 22 aprel, AZƏRTAC
ABŞ bu il Əfqanıstana mülki yardım qismində əlavə olaraq 300 milyon dollar ayıracaq.
AZƏRTAC xəbər verir ki, bu barədə dövlət katibi Entoni Blinken tərəfindən çərşənbə günü yayılan bəyanatda bildirilir.
Dövlət katibinin sözlərinə görə, maliyyə vəsaiti iqtisadi artıma, korrupsiya və narkotrafiklə mübarizəyə, səhiyyə və təhsil sisteminin inkişafına yardım etməyə yönəldiləcək. “Biz qoşunların çıxarılması ilə möhkəm sülhü irəlilətmək üçün iqtisadi və mülki xarakterli köməyə davam edəcəyik”, - bəyanatda belə deyilir.
Bu ərəfədə ABŞ Prezidenti Co Bayden elan edib ki, Amerika qoşunlarını Əfqanıstandan çıxarmağı və onu 2021-ci il sentyabrın 11-dək başa çatdırmağı planlaşdırır.
Bölmənin digər xəbərləri
