ABŞ-DA ƏKİNÇİLİYİN DƏDƏ-BABA ÜSULUNA QAYIDIRLAR

21.06.2006 [19:50]
Çap et
A⁺ A^-

AZƏRTAC İTAR-TASS-a istinadla xəbər verir ki, ABŞ-da yanacağın bahalaşması görünməmiş nəticələrə gətirib çıxarır. Fermerlər yanacağa qənaət etmək məqsədi ilə torpağı dədə-baba üsulu ilə - at, qatır və öküzlə şumlamağa başlamışlar.

1960-cı ildən, - o vaxtadək ABŞ fermer təsərrüfatlarında 4,7 milyon traktor və 3 milyon at və qatırdan istifadə olunurdu, - Siyahıyaalma Bürosu ev heyvanlarını iş qüvvəsi kimi qeydiyyata almır. Buna görə də torpağı şumlamaq üçün nə qədər heyvandan istifadə edildiyi məlum deyildir.

Torpağın şumlanmasında ev heyvanlarından istifadə yanacağa qənaətlə yanaşı, ətraf mühitin mühafizəsinə də kömək edir. Bundan əlavə, heyvanlarla işləmək, dəmirlə işləməkdən daha xoşdur.

Nyu-Hempşir ştatındakı fermalardan birinin sahibi bildirmişdir ki, həmin ştatda fermerlər 3,5 mindən çox öküzdən istifadə edirlər.