ABŞ-da terror hücumu törədən sürücü tək hərəkət edib
Bakı, 3 yanvar, AZƏRTAC
ABŞ-ın Yeni Orlean şəhərində yük avtomobilini Yeni ilin gəlişini qeyd edən insanların üzərinə sürməkdə şübhəli bilinən şəxs yalnız hərəkət edib.
AZƏRTAC xəbər verir ki, hücumdan sonra polislə atışmada öldürülən şəxsin Texas ştatından olan ordu veteranı olduğu və avtomobilində İŞİD bayrağı olduğu müəyyən edilib. O, hücumdan əvvəl çəkilmiş videolarda terror qruplaşmasına qoşulduğunu bildirib.
Hadisə yanvarın 1-i gecə saatlarında Luiziana ştatının Yeni Orlean şəhərində baş verib. Sonradan adının Şamşud Din Cabbar olduğu müəyyənləşən şəxs yük maşınını Yeni ilin gəlişini qeyd edən insanların üzərinə sürüb. Nəticədə 15-dən çox insan həlak olub, 35-ə yaxın insan xəsarət alıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
