SİYASƏT
ABŞ Dövlət Departamenti Ermənistanı girov götürdüyü azərbaycanlıları azad etməyə çağırıb
![ABŞ Dövlət Departamenti Ermənistanı girov götürdüyü azərbaycanlıları azad etməyə çağırıb](/files/2015/1/1200x630/14247667203219122867_1200x630.jpg)
Bakı, 24 fevral, AZƏRTAC
ABŞ Dövlət Departamenti Ermənistanı işğal altındakı Azərbaycan torpaqlarında girov götürdüyü Dilqəm Əsgərovu və Şahbaz Quliyevi azad etməyə çağırıb.
Bu barədə Dövlət Departamentinin mətbuat katibi Cen Psaki məlumat verib. O deyib ki, bundan əvvəl biz ABŞ-ın Minsk qrupundakı səfiri Ceyms Uorlikin vasitəsilə hər iki girovun Azərbaycan hökumətinə geri qaytarılmasını dəstəkləmişik. Ümumilikdə keçmişdə tərəflər humanitar jest olaraq girovların qaytarılmasında yol tapıblar və belə hallar tərəflər arasında gərginliyin azalmasında və inamın qurulmasında özünü göstərib.