ABŞ milyarderləri bu həftə 55 milyard dollar itiriblər
Bakı, 2 mart, AZƏRTAC
Bu həftənin əvvəlindən başlayaraq ABŞ-da fond birjalarının səhmlərinin ucuzlaşması fonunda amerikalı milyarderlər 55 milyard dollar itiriblər.
AZƏRTAC xəbər verir ki, Bloomberg nəşrinin məlumatına görə, fond səhmlərinin ucuzlaşması ən çox “Berkshire Hathaway” investisiya fondunun rəhbəri Uorren Baffetə təsir edib. O, fevralın 26-dan bəri 3,74 milyard dollar zərərə uğrayıb. Eyni zamanda, “Facebook” sosial şəbəkəsinin banisi Mark Sukerberqin varidatı 3,72 milyard dollar, “Alphabet” holdinqinə rəhbərlik edən Larri Peycin və Sergey Brinin varidatları isə müvafiq olaraq 3,1 milyard və 3 milyard dollar azalıb. İspaniyanın “Inditex” toxuculuq konserninin və “Zara” ticarət markasının qurucusu Amansio Orteqa bu müddət ərzində 2,5 milyard dollardan məhrum olub.
Ümumilikdə isə dünyanın ən varlı 500 adamı həftənin əvvəlindən indiyədək 128 milyard dollar itirib.
ABŞ-ın əsas birja indeksləri Prezident Donald Trampın polad və alüminium idxalına yeni vergilərin tətbiq olunması barədə bəyanatından sonra ucuzlaşmağa başlayıb.
Bölmənin digər xəbərləri
