ADAU-EGE ikili diplom proqramının tələbələri üçün Türk dili imtahanları keçirilir
Gəncə, 12 sentyabr, AZƏRTAC
Azərbaycan Dövlət Aqrar Universiteti (ADAU) və Ege Universiteti arasında reallaşan beynəlxalq ikili diplom proqramı çərçivəsində təhsil alan tələbələr üçün Türk dili C1 səviyyəsi üzrə imtahanlar keçirilir.
AZƏRTAC-ın bölgə müxbiri xəbər verir ki, Ege Universitetinin Türk Dünyası Araşdırmaları İnstitutundan gəlmiş mütəxəssislər tərəfindən təşkil olunan imtahanlara "aqronomluq", "bitki mühafizəsi", "aqromühəndislik" və "iqtisadiyyat" ixtisasları üzrə 2024/2025-ci tədris ilində ikinci kursa davam edəcək tələbələr qatılıb.
İmtahanın məqsədi tələbələrin Türk dili biliklərinin C1 səviyyəsində olduğunu təsdiqləmək və onlara gələcəkdə daha yaxşı akademik nailiyyətlər əldə etmək üçün dil bacarıqlarını inkişaf etdirmək imkanı verməkdir.
Bölmənin digər xəbərləri
