AFFA rəsmisi UEFA-nın iclasında iştirak edib
Bakı, 19 noyabr, AZƏRTAC
AFFA-nın baş katibinin müavini Elçin Məmmədov UEFA-nın Nyon şəhərində baş tutan Klubların Lisenziyalaşdırma Komitəsinin iclasında komitə üzvü qismində iştirak edib.
AZƏRTAC xəbər verir ki, iclasda aşağıdakı məsələlər müzakirə olunub:
- UEFA Klub Lisenziyalaşdırma və Maliyyə Dayanıqlığı üzrə yeniliklər;
- Klub sahibliyi ilə bağlı məsələlər;
- UEFA Həmrəylik Mexanizminin 2025/2026-cı illər mövsümü üçün tətbiqi;
- UEFA Maliyyə Dayanıqlığı Qaydalarının keçid dövrünün başa çatması;
- UEFA-nın tibbi və antidopinq tələbləri.
İclas zamanı müvafiq sahələr üzrə yenilənmiş qaydalar, 2025/2026-cı illər mövsümünə dair planlaşdırılan tədbirlər və klub futbolunun inkişafı ilə bağlı strateji istiqamətlər üzrə fikir mübadiləsi aparılıb.
Bölmənin digər xəbərləri
