AFİNA OLİMPİADASINDA İŞTİRAK ÜÇÜN REKORD SAYDA MİLLİ OLİMPİYA KOMİTƏLƏRİ DƏVƏT EDİLMİŞDİR

13.08.2003 [23:39]
Çap et
A⁺ A^-

AZƏRTAC Beynəlxalq Olimpiya Komitəsinin mətbuat xidmətinə istinadla xəbər verir ki, avqustun 13-də İsveçrənin Lozanna şəhərində BOK-un prezidenti Jak Roqgenin, Afina Olimpiadası Təşkilat Komitəsinin prezidenti xanım İoanna Angelopulos-Daskalakinin, idman dairələri nümayəndələrinin və siyasətçilərin iştirakı ilə təntənəli mərasim keçirilmişdir. Tədbirdə bildirilmişdir ki, düz bir ildən sonra Yunanıstan paytaxtında açılacaq XXVIII Olimpiya oyunlarında iştirak üçün rekord sayda – 201 milli olimpiya komitəsi dəvət olunmuşdur. Onlar qarşıdakı yay Oyunlarında iştirakını dekabrın 13-dək təsdiqləməlidir.

Mərasimin gedişində Roqge bir sıra ölkələrə, o cümlədən növbəti olimpiadaların keçiriləcəyi İtaliya, Kanada və Çınə, habelə 2012-ci il Oyunlarını keçirmək üçün ərizə vermiş Rusiya, Braziliya, Böyük Britaniya, Almaniya, İspaniya, Kuba, ABŞ, Türkiyə və Fransaya dəvət məktubları imzalamışdır.

2004-cü ilin Oyunlarında iştiraka dəvət olunmuş milli olimpiya komitələrinin sayı əvvəlki olimpiadalarla müqayisədə xeyli artmışdır. Məsələ burasındadır ki, bu yaxınlarda “olimpiyaçılar ailəsi”nın sıraları genişlənmişdir – Şərqi Timorun və Kiribatinin MOK-ları rəsmən tanınmışlar. Bundan əlavə, BOK-un Praqada keçirilən sessiyasında Əfqanıstan yenidən olimpiya hərəkatına qoşulmuşdur.

Xatırladaq ki, 2000-ci ildə Sidneydə keçirilmiş Oyunlar iştirakçı ölkələrin sayına görə rekordçu hesab edilirdi. Bu Oyunlarda 199 ölkə təmsil olunmuşdu. Göründüyü kimi, indi Afinanın bu rekordu təzələmək imkanı var.

AFİNA OLİMPİADASINDA İŞTİRAK ÜÇÜN REKORD SAYDA MİLLİ OLİMPİYA KOMİTƏLƏRİ DƏVƏT EDİLMİŞDİR

MÜƏLLİFLƏ ƏLAQƏ

Bölmənin digər xəbərləri