Azərbaycan Dövlət İnformasiya Agentliyi

DÜNYA

AFİNALILAR KOLİN PAUELLİN SƏFƏRİNƏ QARŞI ETİRAZ YÜRÜŞLƏRİ HAZIRLAYIRLAR

26.08.2004 [11:43]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Yunanıstan paytaxtının sakinləri ABŞ-ın dövlət katibi Kolin Pauellin Afinaya səfərinə qarşı etiraz əlaməti olaraq mitinq keçirməyə hazırlaşırlar. Gözlənildiyinə görə, o, avqustun 28-dən 30-dək Afinada səfərdə olacaqdır. ABŞ-ın dövlət katibi Olimpiya oyunlarının bağlanış mərasimində iştirak etmək niyyətindədir.

Yunanıstanın müharibə əleyhinə çıxan bir neçə təşkilatı Amerika diplomatiyası başçısının gəlişinə qarşı etiraz yürüşləri keçirmək niyyətində olduqlarını bildirmişdir. Yürüşlərin başlıca şüarı ABŞ-ın İraqda hərbi əməliyyatlarına qarşı etirazlar olacaqdır. Yunanıstan hökumətinin rəsmi nümayəndəsi Teodoros Rusopulos onları etirazlarını dincliklə ifadə etməyə çağırmışdır.