AFR-də daşqınlar nəticəsində ölənlərin sayı artır
Berlin, 30 iyul, AZƏRTAC
Almaniyanın Reynland-Pfalts və Şimali Reyn-Vestfaliya əyalətlərində dağıdıcı daşqınlar nəticəsində ölənlərin sayı artmaqda davam edir.
AZƏRTAC xəbər verir ki, fəlakətdən iki həftə sonra ölənlərin siyahısına əlavələr edilir. Dünən axşama olan vəziyyətə görə bu rəqəm artıq 181-ə çatıb. Ötən sutka ərzində daha iki nəfərin meyiti tapılıb. 73 nəfər hələ də itkin düşmüş hesab edilir.
Son göstəricilər nəzərə alınmaqla, Almaniyada daşqınlar nəticəsində ölən 181 nəfərdən 47 nəfəri Şimali Reyn-Vestfaliya sakinləri olub. Daşqınlardan iki həftə sonra burada itkin düşən yoxdur. Bu federal əyalətdə həlak olan 47 nəfərdən 23-ü küçələrdə suda boğulub, daha 23 nəfərin isə meyiti öz evlərində və ya zirzəmilərində tapılıb. Bir nəfərin ölüm səbəbi hələ ki, məlum deyil.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
