“Airbus” sentyabrda müştərilərə 73 təyyarə təhvil verib
Bakı, 5 oktyabr, AZƏRTAC
“Airbus” şirkəti sentyabrda müştərilərə 73 təyyarə təhvil verib.
AZƏRTAC xəbər verir ki, bu göstərici 2025-ci il üçün rekord hesab edilir. Ekspertlər ötən ay maksimum 69 hava gəmisi təhvil verəcəyini proqnozlaşdırmışdılar. Aviasiya sənayesindəki mənbələr mühərrik təchizatında yaxşılaşma olduğunu qeyd edirlər.
Qeyd edək ki, bir müddət əvvəl şirkətin rəhbərliyi mühərrik qıtlığına görə sifarişləri vaxtında çatdıra bilmədiklərini etiraf etmişdi.
“Airbus” üçün təyyarə mühərriklərini Fransanın “Safran” və ABŞ-ın “General Electric” şirkətləri birgə istehsal edir.
Bölmənin digər xəbərləri
