AKROBATLARIMIZ MEDAL QAZANA BİLMƏMİŞLƏR

10.11.2003 [18:17]
Çap et
A⁺ A^-

Polşanın Zelena Qura şəhərində idman akrobatikası üzrə yaşlıların 21-ci, gənclərin isə 5-ci Avropa çempionatı başa çatmışdır. Azərbaycan yarışların üç növündə təmsil olunmuşdur.

Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, Elşən Seyfullayev, Nemət Ağayev, Elnur Məmmədov və Rəşad Sadıqovdan ibarət kişi dördlüyü finala çıxmış, qarışıq kompozisiyada 17,55 balla 4-cü yeri tutmuşdur. Kişələrin qoşa yarışında Rəzzaq Babayev və Əlibəy Hüseynov da təsnifat mərhələsini keçərək, finalda 6-cı (15,89 bal) yerə çıxmışdır. Qarışıq cütlük isə finala çıxa bilməyərək, 10-cu yerlə kifayətlənmişdir.

Ümumi hesabda yaşlı akrobatlarımız 12 balla 9-cu yeri, gənclərimiz isə 7 balla 16-cı yeri tutmuşlar.