Aleksandr Kozlovski: Rusiya 2019-cu il Avropa Oyunlarını keçirməyə əsas namizəddir
Bakı, 22 yanvar, AZƏRTAC
Rusiya 2019-cu ildə ikinci Avropa Oyunlarına ev sahibliyi etməyə əsas namizəddir.
AZƏRTAC “TASS” informasiya agentliyinə istinadla xəbər verir ki, belə bir açıqlama ilə Avropa Olimpiya Komitəsinin İcraiyyə Komitəsinin üzvü Aleksandr Kozlovski çıxış edib.
Məlum olub ki, Rusiyanın ikinci Avropa Oyunlarına ev sahibliyi etməsi haqda qərarın mayda İspaniyanın Tarraqona şəhərində keçiriləcək İcraiyyə Komitəsinin ikinci toplantısında qəbul olunması gözlənilir.
“Bu mövzuda Avropa Olimpiya Komitəsinin ilk iclası çox konstruktiv keçdi. Nəticə etibarı ilə bildirim ki, Rusiya yenə də Avropa Oyunlarına ev sahibliyi etməyə başlıca namizəddir. Qənaətə görə, yaxın aylarda bu mötəbər idman tədbirinin Rusiyada keçirilməsi ilə bağlı yekun qərar veriləcək”, - deyə A.Kozlovski qeyd edib.
Bölmənin digər xəbərləri
