Aleksandr Sırski: Ukrayna ordusu strateji müdafiə əməliyyatlarına diqqət yetirəcək

31.03.2026 [00:17]
Çap et
A⁺ A^-

Kiyev, 31 mart, AZƏRTAC

Bu il Ukrayna Rusiya ordusunu hücumlardan çəkindirmək üçün strateji müdafiə əməliyyatı aparmağa diqqət yetirəcək.

AZƏRTAC xəbər verir ki, bunu Ukrayna Silahlı Qüvvələrinin Baş komandanı general Aleksandr Sırski ICTV kanalına verdiyi müsahibədə bildirib.

Sırski bildirib ki, bu il məqsəd ərazi itkisinin qarşısını almaq, Rusiyanın qüvvələrini və aktivlərini tükəndirmək, genişmiqyaslı hücum əməliyyatları üçün şərait yaratmaq, ehtiyatları artırmaq, şəxsi heyət üçün yüksək keyfiyyətli təlim keçirmək və eyni zamanda Rusiya ordusunun zəif olduğu ərazilərdə əks-hücum əməliyyatları aparmaqdır.

Onun sözlərinə görə, bu, əraziləri azad etmək və strateji əməliyyat təşəbbüsünü qorumaq üçün lazımdır.

_{Emil Hüseynli}

_{AZƏRTAC-ın xüsusi müxbiri}

_Kiyev