Ali məktəblərə və kolleclərə ərizə verən abituriyentlərin sayı açıqlandı
Bakı, 9 iyun, AZƏRTAC
2021/2022-ci tədris ili üçün Azərbaycan Respublikasının ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə abituriyentlərin mayın 26-dan başlanan ərizə qəbulu bu gün başa çatıb.
Dövlət İmtahan Mərkəzindən (DİM) AZƏRTAC-a bildirilib ki, ərizə verən abituriyentlərin sayı 85954-dür. I-IV qrup üzrə 71179 abituriyent ərizə verib. Onlardan 64921-i Azərbaycan, 6258-i rus bölməsindəndir.
V qrup üzrə qeydiyyatdan keçənlərin sayı ümumilikdə 55808 nəfərdir, onlardan 51881-i Azərbaycan, 3927-si isə rus bölməsidir.
Tam orta təhsil bazasından orta ixtisas təhsili müəssisələrinə indiyə qədər ərizə verən şagirdlərin sayı 60076 nəfərdir. Onlardan 57085 nəfəri Azərbaycan, 2989 nəfəri isə rus bölməsindən olan şagirdlərdir.
Bölmənin digər xəbərləri
