ALMANİYA KİNOFİLMLƏRDƏ HİTLER OBRAZINA QOYULMUŞ QADAĞANI GÖTÜRMÜŞDÜR

25.08.2004 [18:18]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, avqustun 23-də on illərdən bəri davam edən qadağaya son qoyularaq, Adolf Hitlerin həyatına həsr olunmuş yeni “Qürub” adlı bədii film göstərilmişdir. Filmdə Hitler ilk dəfədir ki, naqqallıq edən demaqoq kimi yox, dinc xəyalpərəst kimi canlandırılmışdır. Çünki əvvəllər alman filmlərində Adolf Hitlerin obrazı, bir qayda olaraq, ya ikinci dərəcəli fiqur qismində, ya da, ümumiyyətlə, ekranda üzə çıxmayan personaj kimi göstərilirdi.

Fürerin həyatının Berlində bunkerdə keçirdiyi son 12 günündən bəhs olunan yeni filmdə onun 1945-ci il aprelin 30-da arvadı Yeva Braunla birgə intiharı da təsvir edilir.

Filmin ssenarisi İoaxim Festin eyniadlı kitabı və Hitlerin katibəsi Traudl Yungenin 2002-ci ildə çapdan çıxmış xatirələri əsasında yazılmışdır.

“Qürub” filmi büdcəsinə görə alman kinematoqrafçılarının çəkdiyi ən bahalı filmlərdən biridir. Çəkilişlər Berlində, Münxendə və Sankt-Peterburqda aparılmışdır. Tənqidçilər film haqqında artıq müsbət rəylərini bildirmişlər. Onların fikrincə, film almanları tarixdə hər hansı başqa şəxsiyyətdən daha çox vahiməyə salan və təkcə almanların deyil, bütün dünya xalqlarının tarixində məşum rol oynamış bu qorxunc obrazın mifikləşdirilməsinə son qoyulması prosesinə kömək edir. Lakin tənqidçilər daha bir suala cavab verməli olacaqlar: Hitler kimi bədheybətin kinoda insan tək canlandırılması nə dərəcədə düzgündür?

ALMANİYA KİNOFİLMLƏRDƏ HİTLER OBRAZINA QOYULMUŞ QADAĞANI GÖTÜRMÜŞDÜR

MÜƏLLİFLƏ ƏLAQƏ

Bölmənin digər xəbərləri