ALMATIDA “SAKEN UKDUZLARI-2006” VI BEYNƏLXALQ KİNOFESTİVALI KEÇİRİLMİŞDİR

15.09.2006 [12:12]
Çap et
A⁺ A^-

AZƏRTAC-ın xüsusi müxbiri xəbər verir ki, Almatıda Qazaxıstan kinematoqrafiyasının banisi sayılan böyük aktyor və rejissor Saken Aymanovun xatirəsinə həsr olunmuş “Saken ukduzları-2006” VI Beynəlxalq kinofestivalı başa çatmışdır.

Tədbirdə 13 ölkənin gənc kinematoqrafçıları iştirak etmişlər. Azərbaycan Rasim Nəbiyevin “Kəsişən paralel” qısametrajlı bədii filmi, Teymur Daiminin “Qız qalası” və Tatyana Eliyevanın “Neft” adlı animasiya filmləri ilə təmsil olunmuşdur. Beş gün davam edən festivalda müxtəlif janrlarda 80 film göstərilmişdir.

Festivalın keçirilməsindən məqsəd gənc kinematoqrafçıların filmlərinin geniş ekrana çıxarılması, onların peşə səviyyəsinin artırılması, təcrübə mübadiləsinin aparılmasından ibarətdir.

Festival çərçivəsində Türkiyə və İran kinosu günləri də keçirilmişdir.