AMADA rəsmisi: Məqsədimiz idmançılara komanda ruhu və təmiz qələbə haqqında informasiyalar verməkdir
Bakı, 29 may, AZƏRTAC
Digər idman növlərində olduğu kimi, futbolda da dopinq riski var.
AZƏRTAC xəbər verir ki, bu sözləri QOLAT Sport Service & Football Agency” tərəfindən “Futbol Konfransı Bakı” adlı beynəlxalq futbol konfransında iştirak edən Azərbaycan Milli Antidopinq Agentliyinin (AMADA) nümayəndəsi Qüdrət Səfərov deyib.
O, dopinqlə bağlı beynəlxalq futbol qurumlarının özünəməxsus qaydalarının olduğunu bildirib: "Bizim məqsədimiz bir idmançı cəzalandırmaq deyil, onları maarifləndirməkdir. Əsasən də gənc idmançılara lazımi olan dəyərli aşılamalıyıq. Onlara komanda ruhu və təmiz qələbə haqqında informasiyalar veririk. İdmançılar bilmədən də müəyyən maddələrdən istifadə edirlər. Lakin bu, onların məsuliyyəti üzərindən atmaq anlamına gəlmir. AMADA olaraq idmanı təmiz saxlamaq istəyirik".
Bölmənin digər xəbərləri
