AMERİKA-TÜRK ASSOSİASİYALARI ASSAMBLEYASININNÜMAYƏNDƏLƏRİ BAKIYA GƏLƏCƏKLƏR
Xarici Ölkələrdə Yaşayan Azərbaycanlılarla İş üzrə Dövlət Komitəsinin mətbuat xidmətindən AZƏRTAC-a bildirmişlər ki, iyunun 6-da Amerika Türk Assosiasiyaları Assambleyasının (ATAA) nümayəndə heyəti Bakıya gəlmişdir. Nümayəndə heyətinin tərkibinə ATAA-nın prezidenti Ərcümənd Qılınç, İdarə heyətinin üzvləri, Texas, İllinoys ştatlarının təmsilçiləri, Amerika Qızıldərililər İcmasının rəhbəri Franklin Kil, Cənubi Florida Universitetinin professoru Aydın Sunol, Corc Vaşinqton Universitetinin professoru Türkər Özdoğan, “Artemel İnternational” şirkətinin prezidenti Engin Artemel, “Real Estate İnvestor” şirkətinin baş müqaviləçisi Nurəddin Dəmircan və başqaları daxildir.
Qonaqlar iyunun 7-də ümummilli liderimiz Heydər Əliyevin məzarını və Şəhidlər xiyabanını ziyarət etdikdən sonra görüşlər keçirəcək, iyunun 9-da Dövlət Komitəsində mətbuat konfransı keçirəcəklər.
Bölmənin digər xəbərləri
