AMERİKALI SİQARET İSTEHSALÇILARINI HƏQİQƏTİ DANIŞMAĞA MƏCBUR ETDİLƏR
Vaşinqton dairə məhkəməsi, Philip Morris Usa da daxil olmaqla, bir sıra tütün şirkətlərinə qarşı iddia çərçivəsində belə qərar çıxarmışdır: “əsla şübhə yoxdur ki, siqaretçəkmə xəstəliklərə və ölümə gətirib çıxarır. Bu faktın daxilən etiraf olunmasına baxmayaraq, cavabdehlər siqaretçəkmənin insana nə kimi ziyan vurduğunu on illər ərzində aşkar şəkildə inkar etmişlər”.
Hakim Kessler siqaret qutularının tərtibatına və siqaretin reklamında tütünün sağlamlığa təsirinin təsvirinə müsbət çalar verən ifadələrin işlədilməsinə daimi qadağa qoymuşdur. Bu məhdudiyyət yanvarın 1-dən qüvvəyə minəcəkdir.
Qadağan edilmiş təsvirlərə “Low tar” (azqrantlı), “light” (yüngül), “ultra light” (lap yüngül), “mild” (yumşaq), “natural” (təbii) kimi sözlər və alıcını digər siqaretlərlə müqayisədə bu cür təsvir olan siqaretlərin çəkilməsinin xəstələnmə təhlükəsini azaltdığına inandıran digər ifadələr daxildir.
Hakimin qərarına əsasən, tütün şirkətləri “düzəliş bəyanatları” verərək, siqaretçəkmənin sağlamlıq üçün təhlükəli olduğunu xatırlatmalıdır. Bu bəyanatlar şirkətlərin veb-saytlarında yerləşdirilməli, siqaret qutularına qoyulmalı, ABŞ-ın bir sıra qəzetlərinin bazar günü buraxlışlarında birsəhifəlik reklam şəkilində dərc edilməlidir.
Bu cür müraciətlər barədə xəbərlər ABŞ-ın Si-Bi-Es, Ey-Bi-Si və En-Bi-Si milli televiziyalarının efirində də verilməlidir. Bundan başqa, azı 15 saniyəlik videokliplər il ərzində həftədə minimum bir dəfə televiziyada nümayiş etdirilməlidir.
Bölmənin digər xəbərləri
