Andris Ravinş: Prezident İlham Əliyevin Qarabağın dirçəlişi istiqamətindəki fəaliyyətini yüksək dəyərləndirirəm
Bakı, 7 oktyabr, AZƏRTAC
Bizim şəhər də 1944-cü ildə məhv edilmişdi. Alimlər deyir ki, Yelqava şəhərinin 93-95 faizi dağıdılmışdı. Mən Ağdamda eyni mənzərəni gördüm. Belə qısa müddət ərzində şəhərdə aparılan işlərə heyran qalmışam. Mən Prezident İlham Əliyevin Qarabağın dirçəlişi istiqamətindəki fəaliyyətini yüksək dəyərləndirirəm.
Bu fikirləri AZƏRTAC-a açıqlamasında Ağdam və Bakıda təşkil olunan Azərbaycan Milli Şəhərsalma Forumunun iştirakçısı, Latviyanın Yelqava şəhərinin meri Andris Ravinş bildirib.
Yelqava meri qeyd edib ki, Latviyada da “ağıllı şəhər” konsepsiyası tətbiq olunur. O vurğulayıb ki, bu texnologiyaların tətbiqi əhalinin həyat şəraitini yaxşılaşdıracaq, eləcə də ekoloji problemləri həll edəcək. Andris Ravinş əlavə edib ki, belə proqramların icrasında müxtəlif innovativ qərarların böyük köməyi olur.
Bölmənin digər xəbərləri
