Antalyada keçirilməsi nəzərdə tutulan Azərbaycan–Gürcüstan yoldaşlıq oyunu ləğv olunub
Bakı, 12 yanvar, AZƏRTAC
Antalyada təlim-məşq toplanışı keçirəcək Azərbaycan milli komandasının hazırlıq proqramında dəyişiklik edilib.
AZƏRTAC AFFA-ya istinadla xəbər verir ki, Gürcüstan millisinin Antalyada nəzərdə tutulan toplanışı ləğv olunduğu üçün fevralın 2-də keçirilməsi planlaşdırılan Azərbaycan-Gürcüstan yoldaşlıq oyunu baş tutmayacaq.
AFFA ilə Gürcüstan Futbol Federasiyası arasında aparılan danışıqlara əsasən, Azərbaycan və Gürcüstan milli komandalarının yoldaşlıq görüşü bu il ərzində FIFA-nın müvafiq oyun günlərinin birində keçirilə bilər.
Bölmənin digər xəbərləri
