Antoniu Quterriş: Atmosferə tullanan parnik qazları 2020-ci ilədək 25 faiz azaldılmalıdır
Bakı, 11 noyabr, AZƏRTAC
Qlobal temperaturun artmasını Selsi ilə 1,5 dərəcə civarında saxlamağa cəhd göstərmək üçün bəşəriyyətin cəmi beş il vaxtı var. BMT-nin Baş katibi Antoniu Quterriş bəyan edib ki, bu məqsədlə parnik qazları emissiyalarını artıq 2020-ci il üçün, heç olmazsa, 25 faiz azaltmaq lazımdır.
Baş katib xəbərdarlıq edərək deyib: “Biz iqlim dəyişmələrinin nəticələrini artıq öz üzərimizdə hiss edirik və yaxın vaxtlarda bu nəticələr daha aydın hiss olunacaq. Biz iqlim sarsıntılarına tab gətirməkdə ölkələrə, xüsusən ən zəif ölkələrə kömək etmək üçün daha çox iş görməliyik”.
AZƏRTAC BMT-nin Xəbərlər Mərkəzinə istinadla bildirir ki, A.Quterriş bu məqsədlər üçün inkişaf etməkdə olan ölkələrə hər il 100 milyard dollar məbləğində maliyyə yardımı göstərilməsinin zəruri olduğunu xatırladıb.
Bölmənin digər xəbərləri
