Aprel ayında 5 mehmanxanaya dərəcə sertifikatı verilib
Bakı, 2 may, AZƏRTAC
Mədəniyyət və Turizm Nazirliyi mehmanxana və mehmanxana tipli obyektlərdə göstərilən xidmətlərin müvafiq tələblərə və standartlara uyğunluğunu yoxlamaq və müəyyən etmək məqsədilə onların təsnifatını aparır.
Nazirliyin mətbuat xidmətindən AZƏRTAC-a bildiriblər ki, aprel ayında Bakı şəhərində fəaliyyət göstərən “Holiday İnn Baku”, “New Baku Hotel”, “Boulvard side” mehmanxanalarına 4, “Du Port”a 3, “Alstadt”a isə 2 ulduz dərəcə sertifikatları verilib.
Beləliklə, respublika ərazisində təsnifatdan keçmiş mehmanxana və mehmanxana tipli obyektlərin sayı 79-a çatıb.
Bölmənin digər xəbərləri
