APRELİN 20-DƏ HAVA METEOHƏSSAS İNSANLAR ÜÇÜN ƏLVERİŞLİ OLACAQDIR
Bakı, 19 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, aprelin 20-də ölkə ərazisində havanın əsasən yağmursuz keçəcəyi gözlənilir.
Bakıda havanın temperaturu gündüz 16-18, gecə 7-9, Naxçıvanda gündüz 22-24, gecə 8-10, aran bölgəsində gündüz 17-19, gecə 9-11, dağlıq zonada gündüz 11-13, gecə 3-5 dərəcə təşkil edəcəkdir.
Aprelin 20-də Abşeron yarımadasında mülayim hava şəraiti meteohəssas insanlar üçün əlverişli olsa da, sonrakı 2 gündə atmosfer təzyiqinin kəskin dəyişikləri, aprelin 22-də axşam hava şəraitinin dəyişməsi, cənub küləyinin güclü şimal-qərb küləyi ilə əvəz olunması onlar ücün əsasən əlverişsizdir.
Bölmənin digər xəbərləri
