“Araz-Naxçıvan” daha bir futbolçu ilə müqaviləni yeniləyib
Bakı, 30 may, AZƏRTAC
Misli Premyer Liqasının 2024-2025-ci illər mövsümünü 3-cü pillədə başa vuran və UEFA Konfrans Liqasında ölkəmizi təmsil etmək hüququ qazanan “Araz-Naxçıvan” heyəti qorumaq məqsədi ilə daha bir futbolçu ilə başa çatan müqaviləni yeniləyib.
Klubdan AZƏRTAC-a verilən məlumata görə, Ömər Buludov növbəti mövsümdə də “qırmızı-ağlar”ın formasını geyinəcək. Cinah müdafiəçisi ilə anlaşma 1 il müddətini əhatə edəcək.
Qeyd edək ki, buna qədər baş məşqçi Elmar Baxşıyevlə yanaşı, İssof Paro, qapıçılar Kristian Avram və Tərlan Əhmədli ilə də yeni müqavilə imzalanıb.
Bölmənin digər xəbərləri
