ARDNŞ-in nümayəndələri “bp-Azərbaycan” şirkətinin “Sərəncə” tullantıların idarə edilməsi sahəsinə baxış keçirmişlər
Bakı, 27 avqust (AZƏRTAC). Bu günlərdə ARDNŞ-in ekologiya üzrə vitse-prezidenti Rəfiqə Hüseynzadənin rəhbərliyi ilə “bp-Azərbaycan” şirkətinin Sərəncədə yerləşən tullantıların idarə edilməsi sahəsində aparılan işlərə baxış keçirilmişdir.
ARDNŞ-in mətbuat xidmətindən AZƏRTAC-a verilən məlumata görə, baxış zamanı bp şirkətinin mütəxəssisləri tərəfindən prosesin gedişi haqqında ətraflı məlumat verilmiş, bu sahədə istifadə edilən texnologiyalar nümayiş etdirilmişdir. Bildirilmişdir ki, Sərəncə poliqonunda “bp-Azərbaycan” şirkətinin operator olduğu layihələrin icrası zamanı formalaşan qazma şlamlarının ətraf mühitə ziyan vermədən idarə olunması həyata keçirilir.
Bölmənin digər xəbərləri
