ARDNŞ-NİN EKOLOGİYA İDARƏSİ BAKI BUXTASINDA MONİTORUNQ APARMIŞDIR
Bakı, 27 iyun (AZƏRTAC). Azərbaycan Respublikası Dövlət Neft Şirkəti (ARDNŞ) Ekologiya İdarəsinin Ekoloji Tədqiqatlar Ekspedisiyasının əməkdaşları Xəzər Dəniz Neft Donanmasının “MPK 452” elmi-tədqiqat gəmisi vasitəsi ilə buxta ərazisində monitorinq işlərini həyata keçirmişlər.
Şirkətin mətbuat xidmətindən AZƏRTAC-a bildirmişlər ki, monitorinq zamanı seçilmiş stansiyalardan dib çöküntüləri, müxtəlif dərinliklərdən su nümunələri götürülmüş, eləsə də həmin stansiyaların radiasiya fonu ölçülmüşdür. Götürülmüş nümunələr tədqiq olunmaq üçün idarənin kompleks tədqiqatlar laboratoriyasına verilmişdir. Alınmış nəticələr əsasında buxtanın təmizlənməsi üçün yeni tövsiyələr hazırlanacaqdır.
ARDNŞ-in Ekologiya İdarəsi tərəfindən bütün Abşeron yarımadasının sahil zolağı boyunca bu cür monitorinqlərin aparılması nəzərdə tutulur.
Bölmənin digər xəbərləri
