Arkadi Naydiç Cəbəllütariqdə keçirilən şahmat festivalında inamla mübarizə aparır
Bakı, 26 yanvar, AZƏRTAC
Cəbəllütariqdə keçirilən beynəlxalq şahmat festivalının “Masters” turnirində Azərbaycan təmsilçisi Arkadi Naydiç dördüncü turda Almaniya şahmatçısı Rasmur Svaneyə qalib gəlib.
AZƏRTAC xəbər verir ki, dörd turun yekununda aktivində 3,5 xal olan A.Naydiç turnir cədvəlində ikinci yerdə qərarlaşıb. O, lider çexiyalı David Navaradan cəmi 0,5 xal geri qalır.
Digər təmsilçimiz Rauf Məmmədov isə sonuncu turda hindistanlı Dronavalli Harika ilə sülh bağlayıb.
Yanvarın 26-da beşinci turda Arkadi Naydiç isveçli Nils Qrandelius, Rauf Məmmədov isə Rusiya idmançısı Valentina Qunina ilə qarşılaşacaq.
Bölmənin digər xəbərləri
