Arktika və Antarktika buz sahəsi bütün müşahidə dövrünün ən aşağı səviyyəsindədir
Bakı, 10 fevral, AZƏRTAC
Ümumdünya Meteorologiya Təşkilatının (ÜMT) məlumatına görə, yeni hesablamalara əsasən yanvar ayında Arktika və Antarktikada dəniz buzunun ümumi sahəsi bütün müşahidələr dövrü ərzində ən aşağı göstəricisi olub.
AZƏRTAC Birləşmiş Millətlər Təşkilatının saytına istinadla xəbər verir ki, dəniz buzunun sahəsi qlobal iqlimin vəziyyəti barədə ÜMT tərəfindən istifadə olunan iqlim göstəricilərindən biridir. “Copernicus” Avropa iqlim dəyişmələri xidmətinin və ABŞ-ın qar və buz barədə milli məlumat mərkəzinin (NSIDC) hesabatına əsasən, bu göstərici Antarktikada yanvar ayında bütün müşahidə dövrü ərzində ən aşağı, Arktikada isə üç ən aşağı göstəricidən biri olub.
Bölmənin digər xəbərləri
