Armela Krasniqi: Böyük platformalarda uşaqların müdafiəsinin tənzimlənməsinə təcili ehtiyac var VİDEO
Bakı, 15 aprel, AZƏRTAC
Azərbaycan Respublikası Audiovizual Şurası Qara Dəniz İqtisadi Əməkdaşlıq Təşkilatına (QİƏT) üzv ölkələrin televiziya və radio yayımı üzrə tənzimləyici orqanlarının Forumunun (BRAF) 11-ci Toplantısını yüksək səviyyədə təşkil edib.
AZƏRTAC xəbər verir ki, bu sözləri jurnalistlərə müsahibəsində Albaniyanın Audiovizual Media İdarəsinin sədri Armela Krasniqi deyib.
O bildirib ki, bu tədbir çərçivəsində hər bir ölkə üçün mühüm əhəmiyyət kəsb edən uşaqların müdafiəsi sahəsində hüquqi tənzimləmə ilə bağlı müzakirələr aparacaq. “Çünki televiziya və radio yayımında uşaqların müdafiəsi tənzimlənsə də, digər media xidmətlərində, məsələn feysbuk, instaqram, tiktok və “X” kimi digər böyük platformalarda uşaqların müdafiəsinin tənzimlənməsinə təcili ehtiyac var. Çünki bu gün gənc nəslin nümayəndələri bu platformalar vasitəsilə hər bir şeyi görürlər və bu, bir çox ölkələrdə tamamilə tənzimlənmir. Buna görə də biz istər sosial media olsun, istər daha böyük platformalarda öz həmkarlarımızla bu mühiti tənzimləmək üçün səylərimizi necə birləşdirməyi müzakirə etməliyik”, - deyə Armela Krasniqi qeyd edib.
Bölmənin digər xəbərləri
