ASTARADA AVROPA ÇEMPİONATININ GÜMÜŞ MÜKAFATÇISI İLƏ GÖRÜŞ KEÇİRİLMİŞDİR
Astara, 13 aprel (AZƏRTAC). Astarada Litvanın paytaxtı Vilnüs şəhərində keçirilmiş sərbəst güləş üzrə Avropa çempionatının gümüş mükafatçısı Cəbrayıl Həsənovla görüş keçirilmişdir.
Rayon icra hakimiyyətinin başçısı Mahir Quliyev Cəbrayıl Həsənovu, onun məqçisi, sərbəst güləş üzrə Avropa çempionu Aslan Ağayevi və komanda yoldaşlarını qitə çempionatında qazandıqları parlaq qələbə münasibətilə təbrik etmiş, bu nailiyyəti Prezident İlham Əliyevin ölkəmizdə idmanın inikişafına göstərdiyi qayğının təzahürü kimi qiymətləndirmişdir.
Cəbrayıl Həsənovun təhsil aldığı Suparibağ kənd orta məktəbinin müəllimləri, rayon ictimaiyyətinin nümayəndələri həmyerlilərinə ən xoş arzularını söyləmiş, respublikamızda idmanın inkişafına dövlət qayğısını minnətdarlıqla vurğulamışlar.
Tədbirin sonunda Cəbrayıl Həsənova və onun məşqçisinə hədiyyələr təqdim edilmişdir.
Bölmənin digər xəbərləri
