Astarada “Təmiz hava” aylığı çərçivəsində növbəti reyd keçirilmişdir
Astara, 15 avqust (AZƏRTAC). Astara Rayon Polis Şöbəsi dövlət yol polisi bölməsinin və Ekologiya və Təbii Sərvətlər Nazirliyinin 1 saylı ərazi ekologiya və təbii sərvətlər şöbəsinin əməkdaşları “Təmiz hava” aylığı çərçivəsində növbəti reyd keçirmişlər.
AZƏRTAC xəbər verir ki, Astara şəhərində keçirilmiş reyd zamanı şəhərin Heydər Əliyev prospektində 40-a yaxın avtomaşın saxlanılmışdır. Yoxlama zamanı 30 avtonəqliyyat vasitəsində havaya buraxılan dəm qazı normadan artıq olduğu üçün sürücülər barəsində inzibati protokol tərtib edilmişdir.
Reyd zamanı, həmçinin avtomaşınlara əlavə avadanlıqların quraşdırılması, pərdə və örtüklərin çəkilişi ilə əlaqədar daha 5 maşın saxlanılmışdır.
Sürücülük vəsiqəsi olmadan idarə edilən 5 nəqliyyat vasitəsi isə cərimə meydançasına göndərilmişdir.
Bölmənin digər xəbərləri
