ATİ-də “Biznes etikası” mövzusunda seminar-təqdimat maraqla qarşılanıb
Bakı, 2 dekabr, AZƏRTAC
Azərbaycan Turizm İnstitutunda (ATİ) biznes idarəçiliyi fakültəsinin tələbələri üçün Azərbaycan Gənclərinin Avropaya İnteqrasiyası Təşkilatının (AGAT) “Etika Akademiyası”nın direktoru Günel İbrahimin təqdimatında seminar olub.
ATİ-nin mətbuat xidmətindən AZƏRTAC-a bildiriblər ki, tədbirdən əvvəl G.İbrahimlə keçirilən görüşdə biznes dünyasının və əmək bazarının ehtiyac və tələbləri, müasir dövrdə kadr hazırlığı istiqamətində görülən məqsədəuyğun fəaliyyət və eləcə də qarşılıqlı işbirliyi barədə fikir mübadiləsi aparılıb. Qonağa ATİ-nin tədris, təlim, tədqiqat, təcrübə imkanları və həyata keçirilən səmərəli proqramlar barədə də ətraflı məlumat verilib.
Seminarda tələbələr “Biznes etikası”, “Uğurlu karyera” və “İş görüşmələri” mövzularında məlumat almaqla bərabər, “Etika Akademiyasının” gənclər və iş dünyasında uğur qazanmaq istəyənlər üçün tədris mexanizminə dair xüsusi təqdimata baxıblar.
Seminar-təqdimat tələbələr tərəfindən maraqla qarşılanıb və bu formatda tədbirlərin davamlı təşkil edilməsi qərara alınıb.
Bölmənin digər xəbərləri
