ATİ-də “Karyeranın planlaşdırılması” mövzusunda seminar
Bakı, 18 noyabr, AZƏRTAC
Azərbaycan Turizm İnstitutunda (ATİ) “AZINKA HR&CC Company”nin nümayəndələrinin iştirakı ilə bu ali təhsil ocağının biznes idarəçiliyi fakültəsinin tələbələri üçün “Karyeranın planlaşdırılması” mövzusunda seminar keçirilib.
ATİ-nin mətbuat xidmətindən AZƏRTAC-a bildirilib ki, qarşılıqlı tanışlıq formatında təşkil olunan seminarda institutun bugünkü fəaliyyəti, məqsəd və vəzifələrindən danışılıb.
Tədbirin təşkilindən məmnun qaldıqlarını bildirən şirkət təmsilçiləri belə formatda tədbirlərin vaxtaşırı keçirilməsinə diqqət ayıracaqlarına, tələbələrin təcrübə semestrinin uğurlu təşkilinə çalışacaqlarına, ən başlıcası isə məzunların işlə təminatına dəstək olacaqlarına söz verdilər.
Bölmənin digər xəbərləri
