“Atlantis” şirkəti tərəfindən hazırlanmış “Azərbaycan” jurnalının təqdimatı olmuşdur
Bakı, 12 aprel (AZƏRTAC). Aprelin 12-də “Bakı Ekspo” sərgi və toplantı mərkəzində keçirilən “AİTF-2012” XI Azərbaycan Beynəlxalq turizm və səyahətlər sərgisi çərçivəsində “Atlantis” şirkəti tərəfindən hazırlanmış “Azərbaycan” jurnalının təqdimatı olmuşdur.
AZƏRTAC xəbər verir ki, təqdimat mərasimində mədəniyyət və turizm naziri Əbülfəs Qarayev, “Atlantis” şirkətinin Azərbaycan üzrə təmsilçisi Rəşid Əl Noori çıxış edərək ərəb ölkələrində Azərbaycanın turizm potensialının tanıdılması baxımından jurnalın böyük əhəmiyyət daşıdığını vurğulamışlar.
Bildirilmişdir ki, ingilis və ərəb dillərində üç ayda bir dəfə nəşr edilən jurnal pulsuz olaraq dünyanın aparıcı turizm təşkilatlarına və şirkətlərinə paylanılır.
Bölmənin digər xəbərləri
